DIE REGERING VAN NASIONALE EENHEID EN JOU BELEGGINGSPORTEFEULJE

Riaan Botha • July 30, 2024

DIE REGERING VAN NASIONALE EENHEID EN JOU BELEGGINGSPORTEFEULJE


Die Regering van Nasionale Eenheid (RNE) het ’n positiewe invloed op beleggingsportefeuljes omdat die beleggings in plaaslike aandele en effekte (bonds) se pryse sedert die tot standkoming van die RNE gestyg het. Waarom het hierdie positiewe tendens plaasgevind?


Op die kort termyn het ‘n positiewe sentiment ontstaan omdat politieke partye wat ’n groter rol vir die privaat sektor in ekonomiese groei voorstaan, deel van die RNE is.  Sedert die RNE ingehuldig is, het die pryse van aandele op die Johannesburg Sock Exchange (JSE) gestyg omdat beleggers verwag dat die verdienste van die maatskappye wat voordeel gaan trek uit regeringsaktiwiteite gaan styg, Dit is veral aandele van plaaslike banke en kleinhandelaars wat gewild is.


Die koerse van effekte (bonds ) het gedurende genoemde periode gedaal en gevolglik het die beleggingswaarde van bestaande effekte gestyg.


Op die medium termyn word daar verwag dat die plaaslike rentekoerse (moonlik alreeds gedurende September 2024) gaan verlaag en gevolglik sal ’n dalende rentekoers siklus ook ’n positewe invloed op beide die beleggings in die JSE asook effekte uitoefen.


Sedert die rentekoerse gedurende 2022 gestyg het, het talle beleggers geld in die geldmarkte by die banke gaan belê. Die inkomste belasting implikasies vir rente draende beleggings is dat belasing vrystelling vir persone jonger as 65 jaar R 23 800 is en vir persone 65 jaar en ouer is die vrystelling R 34 800, waarna die rente onvang as ’n inkomste belas word volgens persoonlike belastingskale. Dit is daarom belangrik dat beleggers in die geldmark moet seker maak wat die na-belaste groeikoers van hul beleggings is.


Beleggers in die huidige veranderende beleggingsomgewing  moet ’n evaluering van hul bestaande beleggingsportefeuljes doen om seker te maak dat hul bestaande beleggings steeds die beste na-belaste opbrengs, volgens die betrokke persoon se risiko profiel, lewer. Indien daar enige onsekerheid bestaan, word aanbeveel dat van die professionele kundigheid van Bovest se adviseurs gebruik gemaak word.

Die Oorlog in die Midde-Ooste en jou Beleggingsportefeulje

By Dr. Riaan Botha • March 4, 2026
Beleggers is onseker oor wat die invloed van die oorlog in die Midde-Ooste op hul beleggingsportefeuljes gaan wees. Gaan die vernietiging van infra-struktuur, die wisseling in die prys van olie en die sterkte van die Suid-Afrikaanse geld eenheid teenoor die Amerikaanse dollar die prestasie van hul beleggingsportefeuljes nadelig raak? Niemand weet ook nie hoe lank die oorlog gaan duur en of vyandighede gaan uitbrei na ander lande nie. Dit is egter belangrik om die volgende rakende Bovest se beleggingsportefeuljes te onthou: Diversifikasie . Portefeuljes is saamgestel uit die verskillende bateklasse naamlik aandele, efekte, kontant en gelyste eiendom. Indien die olie pryse styg weens ’n tydelike tekort aan olie gaan sekere aandele se pryse daal. Die ander bate-klasse sal egter nie so negatief geraak word nie. Verskillende beleggingsfondse . Die Fonds van Fondse (FoF) metodiek word gebruik om beleggingsportefeuljes saam te stel. Dit verseker dat beleggingsportefeuljes vinnig herstel na onvoorsiene gebeure soos oorloë of natuurrampe. Die verskil in die beleggingstyle van die verskillende fondsbestuurders verseker ook bo-gemiddelde beleggingsprestasie. Aktiewe bestuur. Die beleggingskomitee bestuur die beleggingsportefeuljes aktief deur die verskillende ekonomiese siklusse. Beleggers het anders as spekulante ’n lang termyn benadering oor beleggingsprestasie. Die onlangse geskiedenis met die Covid-pandemie asook die finansiële krisus van 2008 het bewys dat geduld bo-gemiddelde beleggings prestasie verseker. Alhoewel die huidige oorlog in die Midde-Ooste finansiële markte nadelig raak, weet ons dat ons as beleggers geduldig moet wees om hierdie onseker tye te deurstaan en nie emosionele veranderings aan portefeuljes maak nie. Indien lesers enige navrae oor hul portefeuljes het, kan hulle hul Bovest adviseur skakel.

Die Verandering van Lewensfase van Seniors

March 3, 2026
Dit is tyd om ankers op die plaas op te trek. Van Wyk Louw het gesê as die getye verander moet jy die bakens verskuif. Ons moet los items verkoop, moet minder maak, die volgende lewe vereis ‘n eenvoudiger bestaan met minder lewensgoedere binne kleiner spasies. Ons durf die proses moedig aan en dit neem tyd. Daar is ‘n menigde afvalmetaal items op die plaas en dit moet verwyder word – ironies, ook dit moet ‘n nuwe lewensfase in ‘n nuwe omgewing binnegaan. Ons laai die eerste vrag van vele. Daar is metaalpype, heiningmateriaal, stukke van ou landbouimplemente, en haas enige iets wat een of ander metaal bevat. My eindbestemming is Modimolle se skrootwerf. By die ingang is daar ‘n ketting wat toegang reguleer. Ek word beveel om bo-op ‘n metaalstrook te ry, net om later agter te kom dat dit eintlik ‘n weegbrug behels – ‘n noodsaaklike kritiese item in die proses van metaalverhandeling. Ek moet uitklim want saam word ek nie geweeg nie. Ek dink…in my huidige kondisie sou ek nogal ‘n goeie opbrengs in skrootmetaalpryse kon behaal. ‘n Werker in ‘n kantoortjie teken die gekombineerde gewig van die voertuig en vrag aan. Van hier word die vrag stuk-stuk volgens die soort metaal afgelaai. ‘n Man wys my die pad aan tussen hope metaalitems. ‘n Besige landskap van bedrywighede ontvou voor my – vurkhysers, trekkers, blouvlamme wat metaal opsny, waentjies wat afval na hulle bestemmings op die perseel vervoer en arbeiders wat lorries en sleepwaens aflaai. Eenkant lê ‘n wrak van ‘n motor, ‘n laaste staanplek voordat dit in stukke opgesny en inmekaar gepers sal word. Terwyl ek staar kan ek nie help om ‘n vermenslikte beeld in die motor te sien nie. Dit lyk vir my soos iemand wie se wiele afgekom het, voor is dit in die bek geskop en van agter het dit ‘n gatskop gekry. Dit het ook nie meer visie nie, want die voorruit is aan vlarde. Wat ‘n droewige gesig. Ons begin aflaai. Elke soort metaal kry sy eie tuiste, koper hier, alimunium daar, brons in ‘n drom wat geel gemerk is. Elke keer na ‘n spesifieke metaal afgelaai is, moet die voertuig terug skaal toe om die gewig van ‘n metaal te bepaal. Uit die aard van die saak verskil metale se pryse, Binne my aanvanklike beeld van skrootchaos, ontluik daar ‘n onderliggende nougesette en presiese ordeningsproses. Die aflaai self vorm ‘n ritmiese proses, ‘n stille doelgerigtheid in kontras met die ruwwe aard van die omgewing. ‘n Indruk tref my. Hierdie versameling van skroot, in teenstelling met wat meeste mense as afval sal beskou, word met metodologiese sorg hanteer. Dit is nie net ‘n stortingsarea nie, dit is ‘n sorteringsterrein waar die oorblyfsels van industrieële komponente nuwe waarde vind – elke item word sorgvuldig uitgesoek, geweeg, geprys, en uiteindelik herwin tot nuwe bruikbaarheid. Die laaste item word afgelaai. Ek word verwys na die betaalkantoor en stap die trappe op. ‘n Vriendelike dame groet my. Haar naam is Elsabe. Sy is druk besig om al die berekeninge te doen. Ek vra: “Elsabe, kry ek darem genoeg geld om ‘n draai by die Spur te maak?” “Ja oom, en genoeg vir ‘n voorgereg ook”  Ek ry weg met kontant in die hand en met ‘n dieper begrip van ‘n nuwe wêreld wat ek nie voorheen geken het nie. Dit wat aanvanklik as ‘n eenvoudige taak begin het, het voortgevloei in ‘n begripvolle blik op ‘n nywerheid wat ons moderne bestaan op ‘n positiewe wyse rugsteun. Agter elke hoop rommel is daar in werklikheid ‘n storie.